Scolas publicas fermas e cun in'auta permeabilitad tranter las scolaziuns caracteriseschan il sistem da furmaziun en Svizra.
Il sistem da furmaziun svizzer
Scolas publicas fermas cun francaziun locala e cun in'auta permeabilitad tranter las scolaziuns caracteriseschan il sistem da furmaziun en Svizra. Ils chantuns èn responsabels per la scola obligatorica. En la furmaziun postobligatorica partan la Confederaziun ed ils chantuns la responsabladad e collavuran stretgamain. Er questa pagina d'internet è in program cuminaivel da la Confederaziun e dals chantuns. Ella preschenta il sistem da furmaziun da la Svizra e porscha ina descripziun detagliada da tut ils stgalims da furmaziun.
Universitads, scolas autas spezialisadas, scolas autas da pedagogia e duas Scolas politecnicas federalas (SPF) furman la Svizra sco cuntrada multifara da scolas autas.
